¡Rebélate contra o modelo de consumo de “MERCAR E TIRAR”! Para axudarte, dende Amigos da Terra elaboramos un directorio de establecementos que alongan a vida útil dos produtos: arranxando, compartindo, reparando, alugando, intercambiando ou utilizando produtos de segunda man. Esta é a alternativa que propoñemos ao consumo lineal, que impuxeron os mercados e as grandes empresas, e á obsolescencia programada e percibida. Pecha círculos e acaba co sistema actual de extraer recursos naturais, usalos (poucas veces) e tiralos.
Se es das persoas que se resisten a cambiar de teléfono móbil unha vez ao ano, aínda que se estrague a batería ou saquen un modelo “mellor”; se comprobaches que usas o taladro menos de 5 veces ao ano e non lle ves a lóxica a comprar un novo; se tes ou necesitas roupa de bebé que dura menos de tres meses... Benvida a alargascencia!
Outra forma de consumo é posible. Como? Alongando a vida das cousas. Dende Amigos da Terra estamos recompilando, neste directorio, tendas, talleres e, en xeral, lugares onde se proporcionan estes servizos. Se coñeces máis iniciativas deste tipo non dubides en avisarnos para sumalas a este mapa e contribuír a que crezan as alternativas. Aquí te deixamos os criterios que respectan os establecementos de Alargascencia.
Acaba coa obsolescencia. Longa vida á materia!
